Tora man darpan kahlaye

 

Tora Man Darpan kahlaye Lyrics - Film Kaajal

Tora man darpan kahalaye - 2
Bhale bure sare karmo ko
Dekhe aur dikhaye
Tora man darpan kahalaye - 2

Man hi devata, man hi ishwar
Man se bada na koy
Man ujiyara jab jab phaile
Jag ujiyara hoy
Is ujale darpan pe prani
Dhool na jamane paye
Tora man darpan kahalaye - 2

Sukh ki kaliyan, dukh ke kate,
Man sabaka aadhar
Man se koi bat chhupe na
Man ke nain hazar
Jag se chahe bhag lo koi
Man se bhag na paye
Tora man darpan kahalaye - 2